شباب اطباء 25 يناير
اهلا بكم في الموقع الرسمي لشباب اطباء 25 يناير


شباب اطباء 25 يناير
 
الرئيسيةمكتبة الصورس .و .جبحـثالتسجيلقائمة الاعضاءالمجموعاتدخول
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
 صفحة الراديو و الالعاب والترفية
 المواضيع الجديدة منذ آخر زيارة
صفحات طبيب المتخصصة
.
.
المواضيع الأخيرة
» الندوة الثانية لطب تطور و سلوك الأطفال
أمس في 4:41 am من طرف sweet

» 5000 طالب وطالبة يشاركون في فعاليات أسبوع الفطور السعودي
الأربعاء مايو 21, 2014 8:55 am من طرف sweet

» غرناطة مول يحتضن فعاليات حملة توعية طلبة المدارس بأهمية الإفطار الصباحي
الإثنين مايو 12, 2014 7:44 am من طرف sweet

» انطلاق فعاليات المؤتمر الأول للإبداع في التمريض الخليجي بالرياض
الإثنين مايو 12, 2014 4:33 am من طرف sweet

» اسطوانة الدكتور البيجرمى .. فى الأنف و الأذن
الثلاثاء أبريل 22, 2014 5:50 am من طرف drdodi

» 177 ألفا مصابون بـالصرع في المملكة
الإثنين أبريل 07, 2014 10:08 pm من طرف sweet

» أمير الجوف يدشن مستشفى الملك عبدالعزيز التخصصي و مستشفى الأمير متعب
الإثنين مارس 31, 2014 3:35 am من طرف sweet

» وزير الصحة: مشاريع الجوف سترفع الخدمة الصحية.. وحريصون على الكوادر المؤهلة
الثلاثاء مارس 25, 2014 2:16 am من طرف sweet

» د. الغامدي: «الجواز» الصحي سيسهم في الاكتشاف المبكر للأمراض وتقليل الوفيات
الأحد يناير 26, 2014 3:42 am من طرف sweet

» برنامج Clinical Pharmacology..an electronic drug refrence
الأربعاء يناير 08, 2014 6:16 pm من طرف hosaaam

» إعلان أسماء الفائزين بجائزة التميز الخليجي في مجال الإعلام الصحي
الخميس يناير 02, 2014 2:03 am من طرف sweet

» د.خوجة: 30% من «برنامج سلامتك» يركز على الأمراض المزمنة غير المعدية
السبت ديسمبر 28, 2013 6:50 pm من طرف sweet

» الجمعية السعودية للطب الوراثي ومستشفى الولادة والأطفال في مكة تدعوان للمشاركة في ندوة مستجدات أمراض الجينات
الإثنين ديسمبر 23, 2013 11:52 pm من طرف sweet

» الصحة تختتم دورة إعداد المدربين لتطبيق برنامج الجواز الصحي للأم والطفل
الإثنين ديسمبر 16, 2013 11:09 pm من طرف sweet

خدمات منتديات طبيب القلوب المميزة
 
أفضل 10 أعضاء في هذا المنتدى
loveygate
 
طبيب القلوب_المنصورة
 
Admin
 
حكايه*
 
princessnesma
 
hero simsim
 
magoman
 
الفقيرة إلى الله
 
doc4c
 
donia
 
الهيكل الاداري للموقع
 
مصر


لنكات اخري للموقع
tabib.kalamfikalam.com

www.tabib.tk

tabib1.Co.CC

tabib.co.nr
الماوس

كود منع النسخ عن الزوار
free counters
معلومات الموقع
اشترك ليصلك جديد الموقع

ضع ايميلك هنا ليصلك اخر المواضيع:

شاطر | 
 

 كل ما يخص التكليف والنيابات ومشوار الطبيب المهني والعلمي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
the child
رئاسة المنتدي
رئاسة المنتدي


انثى
عدد الرسائل: 547
العمر: 29
الاوسمة:
نقاط: 2835
السٌّمعَة: 0
تاريخ التسجيل: 30/03/2008

مُساهمةموضوع: كل ما يخص التكليف والنيابات ومشوار الطبيب المهني والعلمي   الأحد يونيو 14, 2009 9:25 pm

[ندعوك للتسجيل في المنتدى أو التعريف بنفسك لمعاينة هذه الصورة]





مشوار الطبيب


منذ ظهور نتيجة الثانوية مرورا بالامتياز بصورة عابرة




_________________________






الجزء الأول : البداية ( كيف تختار الطريق ؟؟ )


الجزء الثاني : التكليف ( قوانينه وكيف تستفيد من هذه الفترة )


الجزء الثالث : النيابات ( قوانينها وكيف تختار النيابة المناسبة لك )


الجزء الرابع : التسجيل ( قوانينه وكيف تحصل علي الماجستير أو الدبلومة )


الجزء الخامس : الزمالات وشهادات المعادلة ( قوانينها والوصايا العشر )


الجزء السادس : العيادة ( اجراءتها وكيف تنجح عيادتك )


الجزء السابع : الادارايات ( وكيف تكون مديرا ناجحا )


الجزء الثامن : الوصايا العشر لتكون طبيبا ناجحا






************************************






اخواني واخواتي الاطباء والطبيبات






نظرا لوجود الكثير من أطباء الامتياز وطلاب كلية الطب علي هذا المنتدي ويمكن يكون فيه ناس لسه ما دخلتش كلية الطب


وعاوز تعرف كل حاجة عن الكلية وعن مستقبل الطبيب


كان هذا الموضوع






مشوار الطبيب المهني والعلمي






الجزء الأول




( كيف تختار الطريق ؟؟)


$$$$$$$$$$




خلصت الكلية بحلوها بمرها بكل حاجة فيها


وبدأ الامتياز


والان نحن علي وشك نهاية الامتياز ؟؟


الي أين الطريق


ماذا بعد الامتياز ؟؟؟؟


أخي الطبيب ... أختي الطبيبة






أمامك أكثر من طريق عليك ان تختار واحد من ال 5 طرق




الطريق الأول






وده طريق أوائل الدفعة


انك تكتب رغبات التخصص الذي تريد ان تلتحق به في اخر شهر وانت في االامتياز


وأوقات فيه ناس من الاوائل دول يقدموا مع الناس التانية في وزارة الصحة لانه نتيجة النيابات بتاعتهم في


الكلية لسه ما ظهرتش


وخصوصا طلبة الأزهر


لانه نتيجة القبول في نيابات الكلية بتتأخر






الطريق التاني




انه بعض الهيئات بتنزل اعلانات وبتكون عاوزة دكاترة تكليف بس بتشترط انك تستقيل من وزارة الصحة والهيئات دي هيا


{ مستشفيات وزارة الداخلية – السكة الحديد – النقل العام – مصر للطيران – مستشفيات الجيش .... إلخ }


مميزاتها


أولا المرتبات فيها أكتر من مرتبات وزراة الصحة دا أبل الزيادة في مرتبات أطباء التكليف الحالية يعني أنا فاكر انهم كانوا


بياخدوا كل شهر 600 جنيه أو 700


زي مستشفي الشرطة كده ومصر للطيران


أما مستشفيات السكة الحديد اعتقد المرتبات فيها اكتر


ثانيا ممكن تلاقي تعليم كويس اوي في بعض المستشفيات مش في كلهم


زي مثلا مستشفي الشرطة في العجوزة او مستشفي قصر القبة العسكري


ثالثا ليهم حركة نيابات خاصة بيهم يعني في الغالب بعد ما بتخلص فترة التكليف ممكن بنسبة كبيرة جدا تاخد تخصص عندهم


وتحضر علي حسابهم


رابعا هاتشتغل في مكان في الغالب بيكون نضيف يعني مش زي الوحدات الصحية


عيوبها


- انك ممكن بعد ما تخلص التكليف عندهم يقؤلوا ليك مع السلامة مش عاوزينك وده بيحصل بس نادر


وطبعا انت استقلت من وزارة الصحة فاهاتلاقي نفسك في الشارع


- انك ممكن ماتاخدشي التخصص اللي انت عاوزه لانه الاماكن هناك محدودة






الطريق الثالث




انك تقدم في أكاديمية الجيش أو أكاديمية الشرطة


هاتلاقي اعلان نزل من الجيش والشرطة بعد ظهور نتيجة الثانوية العامة وهاتقدم مع اللي هايقدموا الي كلية الشرطة او الحربية


وهاتسحب نفس الملف وعاوزين أطباء علشان يتخرجوا بعد ست شهور في الاكاديمية علي رتبة ملازم أول طبيب


لو عاوز تقدم هاتسحب ملف وتملا البيانات وتقدم الملف وتمتحن امتحان القدرات بعد كده تجتاز امتحان الرياضة بعد كده الكشف الطبي


بعد كده امتحان الهيئة




مميزاتها




- انك في الغالب هاتتعلم كويس أوي لانه مستشفيات الجيش نضيفة جدا وغالبا الشرطة كذلك


- هاتعلق نجمتين جنبه الهلال يعني دكتور وظابط والحاجة دي بيحبها الناس اللي بتحب المظاهر


وهاتقدر تعمل علاقات حلوة ومع الوقت هايكون ليك سلطة خصوصا لو دخلت اكاديمية الشرطة


- المرتب بتاعها برده أعلي من وزارة الصحة أبل الزيادة الحالية لاطباء الصحة


- فيه ميزة حلوة أوي خصوصا في مستشفيات الجيش انك تقدر تحضر دكتوراة علي حسابهم او زمالة اجنبيه


- هايكون ليك جميع الحقوق والمزايا التي يعامل بها ظابط الشرطة او ظابط الجيش




عيوبها




- انك بتتعامل كظابط الاول ثم كطبيب يعني انك هاتكون محكوم بقوانين العسكرية أو الداخلية يعني من الاخر كبت للحرية


- انك مش ضامن تتوزع فين يعني ممكن تروح وحدة عسكرية في الصحرا لو تبع الجيش او تروح تشتغل طبيب في


سجن لو تبع الشرطة


الا اذا كان معاك واسطة جامدة هاتروح مكان كويس


- هاتفضل طول عمرك تتنقل من محافظة للتانية في حركة التنقلات اللي بتحصل كل شويه يعني النهاردة انت في القاهرة


بكره في مستشفي قنا العسكري


- مش هاتقدر تفتح عيادة غير بعد الدكتوراه او الزمالة يعني بعد ما تبقي مقدم


- لو دخلت وحبيت تستقيل يبقي لازم تدفع بتاع 50 الف جنيه تعويض ليهم أو تستقيل من غير ما تدفع اي حاجة بس بعد ما تاخد رتبة رائد






الطريق الرابع




وهو


التكليف في وزارة الصحة






معظم الناس بتسلك هذا الطريق


انت خلصت دلوقتي الامتياز


انتظر قليلا هاتظهر حركة التكليف






وهايتم الاعلان عنها وتروح تسحب الملف وتملئ الرغبات بالمحافظات اللي ترغبها علشان تتوزع عليها


وطبعا التوزيع بالمجموع


هاتقؤلي مجموعي انا غير مجموع زميلي بتاع الازهر مثلا


هأقؤلك انه بيتاخد بالمجموع الاعتباري


يعني كله هايكون زي بعضه


وهاتلاقي في اللينك اللي تحت كيفية حساب المجموع الاعتباري






تلاقي مثلا القاهرة تاخد من مجموع مثلا يعني 80 % أقل من كده لا وهكذا






الطريق الخامس




وهو


الغاء التكليف


تقدر تلغي التكليف بتاعك وتبقي طبيب حر وبكده تقدر تحضر علي طول وطبعا مالكشي نيابة في وزارة الصحة


ومالكشي شغل في الحكومة خلاص انت استقلت


وادي نص المادة من القانون


مادة(14): يجوز الغاء التكليف للأطباء الراغبين فى ذلك، كما يجوز اعادة تكليفهم مرة أخرى بعد العرض على لجنة التكليف،


وبشرط أن يقدم


طلب اعادة التكليف خلال المدة المقررة للتكليــف طبقـــا لأحكام القانــــون رقــــم 29 لسنة 1974 بشأن تكليف الأطباء ومن فى حكمهم.








خطوات الغاء التكليف




صلاة الاستخارة


طلب إلغاء تكليف في الإدارة العامة للتكليف بالوزارة


تروح مرة في خلال أسبوع علشان تتأكد إن جوابك ماتركنش


الدور الخامس في المبنى الطويل ... هوا كده ... الطويل .. اللي بتدخل من بابه الوزارة ...بعد أسبوع من الطلب


تروح تستلم قرار الإلغاء من مدام سهير و جواب تعمل بيه إخلاء طرف من المديرية و تختمهم من عند أستاذ مجدي ....


هاتقوللك تاني مكتب يمين ... ماتنخدعش ... أستاذ مجدي في المكتب الي في وشها


الموافقه على إخلاء الطرف من مدير الشئون الوقائية بالمديرية و مدير المديرية


لو وراك حاجه في الشئون القانونية روح خلصها


جواب إخلاء طرف من الإدارة للوحدة


إخلاء طرف من الوحدة


إخلاء طرف من الإدارة


إخلاء طرف من المديرية


تاخد استمارة 7 لسنة 72 من المديرية و إخلاء الطرف إلى الوزارة


سيب بطاقتك مع مدام سهير علشان هاتديلك الطلبات و أصل قرار إلغاء التكليف


تصور 5 طلبات ل5 شهادات طبيب حر + طلب إنك عاوز الشهادات دي


تشتري بـ 10 جنيه دمغه


تستلم 5 شهادات و قرار إلغاء تكليفك المختوم صورة طبق الأصل


تنزل الدور الرابع تسلم الطلبات في مكتب الشهادات ممكن تجيلهم بعد ساعتين و تقوللهم يغيروا طلب النقابه بـ لمن يهمه الأمر


تاخد قرار إلغاء التكليف للنقابه أو الشهاده المقدمة لها و تنزل السجلات في بدروم النقابه ... ماتخافش ... البدروم مكيف...


تاخد إذن دفع من إدارة السجلات


تروح مكتب 8 يطلع بياناتك من الكمبيوتر


تروح مكتب 7 تدفع حداشر جنيه خمسه و سبعين قرش


تروح مكتب سته بالإيصال و القرار يعمللك شهادة إلغاء التكليف


تمضيها من مكتب السجلات


تمضيها و تختمها من مكتب 9


ماتنساش تعمل صورة طبق الأصل ... ممكن تبقى تحتاجها




*****************************************




الجزء الثاني




التكليف في وزارة الصحة






( وكيف تستفاد من هذه الفترة )




بعض التوضيحات التي توجد بدليل التكليف




حضرتك في اخر الامتياز بتاعك بينزل اعلان التكليف




وبتروح تسحب مظروف او تقدم علي النت




المهم جوا المظروف هتلاقي فيه استمارتين




واحدة باللون اللبني والتانية باللون الاحمر




بالنسبة للي باللون الاحمر دي بطاقة الرغبات الاجبارية




ودي بتلزق فيها الطوابع بتاعت الادارات المختلفة علي مستوي الجمهورية حوالي 249 رغبة




ودي زي ما قلت قبل كده اجبارية




التانية اللي هي باللون اللبني دي بتاعت الرغبات الاختيارية




ودي فيها اماكن زي




مستشفيات الطلبة لمختلف الجامعات المصرية




هيئة السكك الحديدية




هيئة النقل العام




وزارة الداخلية مصلحة السجون




وحاجات تانية




دي طوابع بتتلزق في الاستمارة اللبني




ودي اختيارية يعني ممكن املاها وممكن لا




ومش لازم املا كل الرغبات ممكن اكتفي بواحدة او اتنين او اكتر......




انما الاجبارية لازم تتملي كلها




حضرتك اكيييييييييييييييييد ان شاء الله لازم تترشح




لادارة من الادارات الصحية اللي في الاستمارة الاولي الاجبارية




اما بالنسبة للاستمارة التانية




فدي ممكن تترشح لواحدة من الرغبات او لأ علي حسب مجموعك




نفرض اترشحت لواحدة من الرغبات اللي في الاستمارة الاختيارية




عادي ممكن تستلم في المكان اللي انت اختارته وممكن ترجع




لمكان تكليفك اللي اترشحتلة من الاستمارة الاجبارية





@@@@@@@@@@منتديات طبيب القلوب@@@@@@@@@@








[ندعوك للتسجيل في المنتدى أو التعريف بنفسك لمعاينة هذه الصورة]



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the child
رئاسة المنتدي
رئاسة المنتدي


انثى
عدد الرسائل: 547
العمر: 29
الاوسمة:
نقاط: 2835
السٌّمعَة: 0
تاريخ التسجيل: 30/03/2008

مُساهمةموضوع: رد: كل ما يخص التكليف والنيابات ومشوار الطبيب المهني والعلمي   الأحد يونيو 14, 2009 9:27 pm


الجزء الثاني




فترة التكليف






شويه كده ظهرت النتيجة وجالك التكليف بتاعك


في إدارة من الإدارات الصحية


ودلوقتي بئه قدامك طريق من تلاتة


لاما


تاخد تكليف في الرعاية الصحية الأولية ( الوقائي )


يعني من الآخر


دكتور في وحدة صحية أو مستشفي تكامل أو مركز تنظيم أسرة أو مركز أمومة وطفولة


المزايا


- أولا : هاتعمل فلوس اكتر من لو روحت أي مكان تاني


لانه فيه


أكتر من حافز حافز بدل طبيعة عمل 200 %


( من حق الطبيب الأول والثاني فقط )


حافز تنظيم الاسرة 40 %


حافز قرار 75


أو حافز الدعم الفني وده قل اليومين دول أوي وشويه هايتلغي


دا لو انت روحت في وحدة صحة أسرة


حافز بدل الطبيب 150 %


وبرده فيه برايفيت بس ده بيختلف من مكان لاخر مش كل الاماكن بيكون فيها برايفيت حلو


واليومين دول البرايفيت وقع في معظم الوحدات الصحية


- ثانيا : لو عاوز تزوغ ممكن بسهولة تزوغ وممكن تقسم الشغل بينك وبين بقية الدكاترة اللي معاك يعني هايكون


عندك فرصة


انك تذاكر في اي حاجة


او تسجل اي حاجة اليجال او تشتغل برايفيت في اي مكان تاني


( بس انا ما اعرفشي حرمانية ده سواء تسجيل اليجال او تقسيم الشغل )


بصراحة انا ماشوفتش مزايا تانية للريف


العيوب


-أولا : اكتر عيب أنك هاتتعامل مع أشكال ما أنزل الله بها من سلطان من موظفين غاية في الاهمال والتسيب


طبعا مش كلهم


بس أوحش موظفين في الصحة هما موظفين الوحدات الصحية


هاتحس انك قاعد في مستنقع عفن


- ثانيا : كل من هب ودب يجي يفتش عليك باليل والنهار اشي رئيس مجلس المدينة او النائب تابعه او التفتيش المالي والادارة


بتاع الادارة او المديرية


او الوزارة الرقابة الادارية الجهاز المركزي للمحاسبات المحافظة


أي حد معدي يجي يفتش عليك






- ثالثا : مستواك الطبي والعلمي ومستوي ذكائك في الغالب بينزل ان لم تطور نفسك لانك مش هاتتعلم حجات جديدة كتير بالعكس لو قعدت كتير


في الريف هاتحس انه ودانك طولت واتسحبت لفووووق وبقيت زي ؟؟؟؟؟






لاما


تاخد تكليف في العلاجي




يعني من الاخر


في مستشفي


ودي عاوزة شويه كوسة يعني لو ناوي يبقي شوفلك كوسة






المزايا


أولا : هاتتعلم وهاتبقي دكتور كويس يعين مثلا لو انت عاوز نسا هاتاخد نبتشيات في الاستقبال العام وبقية الاسبوع تقعد في قسم النسا


تشتغل وهايسبوك في الصحة تعمل سكاشن بس بعد فترة والنايب يتمني يعلمك علشان تشيل عنه وما تستلم في المستشفي من حقك


تطلب من مدير المستشفي انه


يلحقك بقسم معين تكون انت حاطه في دماغك كتخصص


ثانيا : علاقات هايكون ليك علاقات حلوة مع الدكاترة زمايلك والاخصائين والاستشاريين ومع موظفين المستشفي وحاول تكون علاقاتك حلوة


مع كل الناس اللي في


المستشفي خصوصا الموظفين والعمال والتمريض وبتوع الامن


ثالثا : تقدر تعمل اسم لنفسك في بلدك من خلال انك تخدم اي حد تشوفه من اهل بلدك وتكون تعرفه او ما تعرفوش شخصيا


علشان لما تفتح عيادة يكون اسمك مألوف وتكون عملت جمايل مع ناس كتير






الطريق الثالث




في مكتب صحة بتاع المواليد والوفيات والشهادات الصحية وكده


المزايا


أولا انتخ انتخ انتخ يا سيدي


ثانيا وقت فاضي كبير تقدر تعمل فيه اللي انت عاوزه


ثالثا هاتاخد نفس الحوافز بتاعة الوحدة الصحية في الغالب ماعدا حافز الدعم الفني


العيوب


أولا هاتحس انك مش دكتور هاتحس نفسك كاتب


ليل ونهار تمضي علي شهادات ميلاد ووفيات


وشهادات صحية وعينات مية وكلام فاضي كتير


ثانيا مفيش تعليم اطلاقا من اي نوع يعني لو سبت نفسك من غير قراية او مذاكرة هاتلاقي نفسك بعد سنة بالظبط متخرج من كلية زراعة مش طب




*************************************




مع الجزء الثالث




النيابــــــــــــــــــــــــــــــــــــــــات






الجزء الأول




امتي بتظهر حركة النيابات ؟؟




شهر مايو من كل عام






يعني مثلا الحركة اللي فاتت ظهرت يوم 9/ 5




في الجرايد




وبدأ التقديم في يوم 24/5




وكان اخر يوم للتقديم يوم 9/6




أعرف منين انها ظهرت ؟؟




هاتلاقي اعلان في الجرايد الرسمية




هاتلاقي زمايلك بيقؤلولك انها ظهرت




هاتلاقي زمايلنا الافاضل هنا في المنتدي متابعين الحركة من ابل ما تظهر




التقديم بيكون فين ؟؟




التقديم بيكون فيه المديريات وممكن برده تقدم في معهد ناصر




ازاي أقدم علي النيابة ؟؟




أولا :




هاتروح تسحب المظروف من المديرية مجاني




او ممكن أي حد من زمايلك يجبهولك




بس اوقات فيه مديريات بتغلس وتطلب انه الشخص نفسه هو اللي يجي يسحب المظروف




ثانيا :




وهاتملئ الرغبات بتاعتك




ثالثا :




وهاتروح بعد كده تقدم المظروف




لو انت مش فاضي علشان تروح تقدم المظروف ممكن حد
قريبك من الدرجة الأولي يقدملك المظروف وهايدوله ايصال ولازم تحتفظ
بالايصال وتعرف رقمه




ولو عاوز تقدم من خلال النت تروح المديرية اللي
فيها الجامعة اللي انت متخرج منها وتجيب من عندهم الرقم السري وتروح
المديرية في المحافظة اللي انت بتشتغل فيها تجيب رقم الطبيب وتقدر من خلال
موقع الحكومة الالكترونية وبصراحة انا ما انصحكشي تقدم من خلال النت




طيب انت مسافر بره مصر وعاوز تقدم نيابة ينفع ولا لا ؟؟؟




ينفع تخلي أي حد يسحبلك الملف وتخليه يكتب رغباتك




بس بشرط




بعد كده تخلي حد قريبك من الدرجة الاولي هو اللي يسلملك الملف هما بيشترطوا كده في تسليم الملف




أنا قدمت وانا في السعودية علي النيابة وراح واحد صاحبي استلملي الملف وراحت أختي سلمته للمديرية




امتي بتظهر نتيجة النيابة ؟؟؟




النتيجة بتاعة النيابة بتظهر في شهر 8 يعني الحركة اللي فاتت قدمنا في شهر مايو وظهرت النتيجة في اغسطس




بس خلي بالك ممن تتأخر عن كده زي الحركة اللي أبل دي




هاعرف ازاي انه النيابات ظهرت ؟؟




هاتلاقي زمايلك كلهم متابعين وممكن تتصل بالوزارة
او بالمديرية او أكيد هاتلاقي زمايلنا هنا علي المنتدي متابعين كل كلمة في
النيابات




طيب فيه حركات تانية ممكن تظهر في نفس العام ؟.؟؟




زمان كان فيه حركتين حركة في مايو وحركة استكمالية في نوفمبر




بس لينا تلات سنين لحد دلوقتي ما شوفناش حركة نوفمبر ولا نزلت خالص




بس فيه حركة اوقات بتنزل في شهر 10 ودي اسمها
الحركة الاستثنائية ودي بتكون للدكاترة اللي متخرجين في نفس السنة اللي
نزلت فيها الحركة الاستثنائية دي وغالبا بتكون فيها مستشفيات تعليمي كتير
بس الاعداد المطلوبة بتكون قليلة




طيب التنسيق بتاع النيابة بيكون علي أي اساس ؟؟




بيكون اهم حاجة علي اساس




المجموع




طيب واحد هايقؤلي انا خريج الازهر والدرجات عندنا غير باقي الكليات




هاقؤلك




انه المجموع بتاعك هايضرب في رقم معين




بحيث في الاخر تتساوي بنفس التقدير بتاع طبيب اخر في أي كلية تانية غير الازهر




بمعنـــــــــــــــــــــــــي




المجموع الاعتباري = مجموع الطبيب علي النهاية العظمي للجامعة في 4600




طيب ازاي بيتم التنسيق بتاع النيابة ؟؟؟




اللي بيحصل يا اخوانا انه قبل حركة النيابة ما يظهر التقديم عليها




الوزارة بتبعت للمديريات وتقؤلها ابعتولنا احتياجاتكم من الدكاترة في التخصصات الطبية المختلفة




هاترد المديرية وهاتبعت للوزارة الاعداد المطلوبة في كل تخصص




بعد كده بيظهر اعلان الحركة ويتم التنسيق




وكل تخصص في كل مديرية بيكون له حد أدني




يعني مثلا نسا مديرية الصحة بسوهاج كانت واخدة من
75 % معني كده انه أي حد جايب اقل من كده وكتب نسا سوهاج مش هاتيجلوه فا
هايشوفوا الرغبة اللي تحتها لو تناسب مجموع الدكتور هاتبقي هيا دي نيابته
لو مش تناسبه ينزله للرغبة اللي تحتها وهكذا ولو ما فيش رغبة ناسبت مجموعه
يبقي وقتها هايكون





@@@@@@@@@@منتديات طبيب القلوب@@@@@@@@@@








[ندعوك للتسجيل في المنتدى أو التعريف بنفسك لمعاينة هذه الصورة]



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the child
رئاسة المنتدي
رئاسة المنتدي


انثى
عدد الرسائل: 547
العمر: 29
الاوسمة:
نقاط: 2835
السٌّمعَة: 0
تاريخ التسجيل: 30/03/2008

مُساهمةموضوع: رد: كل ما يخص التكليف والنيابات ومشوار الطبيب المهني والعلمي   الأحد يونيو 14, 2009 9:28 pm

استنفذ الرغبات



كم عدد الرغبات اللى المفروض املاها




24 رغبة في التخصصات الملحة و 48 رغبة في باقي التخصصات1




طيب ايه هيا التخصصات الملحة دي ؟؟




هـــي




(طب الطوارئ- طب الاسرة- الطب النفسى- الاشعة-
التخدير- المعامل- العناية المركزة- العظام- الاطفال المبتسرين- بنك الدم-
طب المسنين- جراحة القلب والصدر)




طيب ماهي الفترة اللي المفروض اقضيها في التكليف علشان اخد نيابة ؟؟




اولا : لو هاتقدم في التخصصات الملحة يبقي مش هاتحتاج تقضي أي فترة في التكليف




يعني انت مثلا هاتستلم تكليفك في شهر 4 او 5 ولما تظهر حركة النيابة تروح تقدم علي التخصصات الملحة بدون شرط قضاء فترة في التكليف




ثانيا : لو هاتقدم
في باقي النيابات يبقي لازم تقضي فترة سنة في التكليف علشان تقدر تقدم في
باقي النيابات زمااااان كان لازم تقضوا سنتين في التكليف احمدوا ربنا




نصيحتـــــــــــــــــــــي




ما تستعجلشي




لو كنت بتحب تخصص معين في التخصصات الملحة يبقي خلاص قدم فيه




لو مش بتحبه يبقي استني سنة في التكليف علشان تاخد االتخصص اللي بتحبه واللي تقدر تبدع فيه




وممكن تتحايل علي النيابات




قؤلي ازاي ؟؟




هأقؤلك اسمع كويس




يعني مثلا انت عاوز تتخصص في الجراحة العامة او الباطنة او اطفال




ودول بيشترطوا انك تقضي سنة في التكليف




تعمل ايه علشان تبقي اخصائي جراحة او باطنة او اطفال




تقدم في النيابات الملحة علي تخصص جراحة صدر وقلب




او نيابة عناية مركزة




او نيابة مبتسرين




وطبعا النيابات دي مش عاوزة قضاء فترة معينة في
التكليف ولما تظهر النتيجة وتستلم التخصص هاتسجل ماجستير جراحة عامة لو
انت جراحة صدر وقلب




وهاتسجل ماجستير باطنة لو انت نيابة باطنة




وهاتسجل اطفال لو انت اطفال مبتسرين




لانه باختصار مفيش حاجة اسمها ماجستير صدر وقلب
ولا ماجستير عناية او ماجستير مبتسرين أي نعم هايمتحنوك في الحجات دي اكتر
من أي حد تاني بس مفيش ماجستير مخصص ليهم




طيب ظهرت نتيجة النيابة




امتي وازاي استلم النيابة ؟؟




امتي




لما بتظهر نتيجة النيابة بتسأل في المديرية بتاعتك
النيابة وصلت من الوزارة ولا لسه لانها بتكون ظهرت علي النت ابل ما تروح
المديريات




لو راحت المديرية يبقي ليك الحق انك تستلمها تاني يوم الا اذا كان الشغل في احتياج اليك ممكن يأخروك شويه




ازاي تستلم النيابة بتاعتك ؟؟




تروح لمدير الرعاية الاساسية اللي في المديرية
وتقؤله عاوز استلم النيابة هايقؤلك اكتب طلب لوكيل الوزارة وهايبص علي
اسمك وهايكتبلك في الطلب السيد وكيل الوزارة حيث أن المذكور مرشح لنيابة
كذا




هاتروح لوكيل الوزارة هايوفق وهايكتب شئون
العاملين لاخلاء طرفه من الوحدة لتنفيذ النيابة في مستشفي كذا وهايوزعك او
ممكن مدير الطب العلاجي في المديرية يوزعك علي مستشفي معينة في المحافظة




هاتروح شئون العاملين




هايدوك خطاب الي الادارة بتاعتك علشان تخلي من
الوحدة بتاعتك هاتروح الادارة هايدوك جواب الي الوحدة لاخلااء الطرف
هاتروح الوحدة هاتخلي وهاترجع الادارة تخلي وهاتروح المديرية تخلي




يبقي انت كده اخليت من القطاع الوقائي




وهاتروح بئه للموظف المسئول عن تنفيذ النيابة
وهاتستلم النيابة في المديرية ثم هاتاخد منه جواب موجه للادارة بتاعتك
علشان تستلم النيابة وبعد كده هاتروح للادارة اللي هاتديك جواب موجه الي
المستشفي اللي اتوزعت فيها




اما لو انت جاتلك مستشفي تعليمي أو مستشفي تأمين صحي أو أي هيئه أخري المديرية هاتديك خطاب موجه مباشرة الي هذه الهيئة




ماهي الفترة اللي اقدر استلم فيها النيابة ؟؟




المفروض تستلم النيابة خلال ست شهور من بداية ظهور نتيجة النيابة




لو ما استلمتش النيابة خلال ست شهور النيابة بتاعتك هاتتلغي وهاتتحرم من التقديم للنيابة حركتين متتاليتين




طيب ممكن ألغي النيابة بتاعتي وارجع الريف تاني ؟؟؟




اه ممكن تلغيها بس برده هاتتحرم من التقديم حركتين متتاليتين




طيب لو استنفذت الرغبات بتاعتي برده هاتحرم من التقديم للنيابة ؟؟




لا مش هاتتحرم لو استنفذت الرغبات وتقدر تقدم علي النيابة اللي هاتظهر بعدها علي طول






طيب هل أقدر أغير النيابة بتاعتي ؟؟؟




تقدر تغير النيابة بتاعتك بشرط انه النيابة الجديدة اللي انت عاوزها يكون الحد الادني بتاعها مناسب لمجموعك بمعني مثلا




اطفال مديرية الصحة بالقاهرة مثلا اخدت من 80 %




وانت جاتلك نيابة جراحة




وعاوز تغيرها لاطفال تقدر تغيرها بس بشرط تكون جايب علي الاقل مجموع الاطفال اللي هيا 80 %




طيب هل أقدر أسافر أو اخد اجازة بدون مرتب واسيب النيابة وبعد كده ارجع ابقي اكملها ؟؟




قبل الاجازة بدون مرتب لازم تستلم النيابة الاول وبعد كده تاخد الاجازة بدون مرتب سؤاء للسفر او لاي سبب اخر




والمفروض الاجازة دي لا تزيد عن سنتين لانه مش
مسموح ليك انك تبعد عن النيابة أكتر من سنتين لو غبت عن النيابة أكتر من
سنتين هاتتلغي النيابة بتاعتك وهاتتحرم حركتين متتاليتين




طيب تعمل ايه لو جاتلك النيابة بتاعتك غلط ؟؟؟




تقدم تظلم لانه بيفتح باب التظلمات بعد ظهور النتيجة لمدة 15 يوم في المديريات و في معهد ناصر




وبعدها بشهر او اتنين تظهر نتيجة التظلم وتاخد حقك انشاء الله ولازم تكون محتفظ بالايصال اللي اخدته زمان لما سلمت المظروف




وبرده لما هاتقدم علي التظلم هايدوك ايصال




كيف تحسب فترة النيابة ؟؟؟




تحسب من اول يوم استلمت فيه النيابة ولو اخدت اجازة اثناء النيابة لا تحسب هذه الاجازة من فترة النيابة




هيا النيابة كام سنة ؟؟؟




النيابة اربع سنتين خلالها لازم تاخد درجة علمية أعلي من البكالوريوس سؤاء دبلوم او ماجستير




بعد الاربع سنين بتبقي طبيب مقيم مؤهل لمدة سنة بعد كده تبقي مساعد اخصائي




طيب افتراضا ما ماقدرتش اخد أي درجة علمية خلال الاربع سنين ايه اللي يحصل ؟؟؟




هايدوك فرصة تانية لمدة سنتين غالبا او تلاتة لو ماقدرتش تاخد فيهم درجة علمية تحول للشغل الاداري




طيب افتراضا جاتلي نيابة
تعليمي او نيابة تأمين صحي هل معني كده اني هاقعد طول عمري في المستشفي
التعليمي دي او مستشفي التأمين الصحي دي ؟؟




لا النيابة في المسشتفيات دي او أي هيئة غير
مديريات الصحة بتكون فترة مؤقتة ( انتداب ) اربع سنين وبعد مايخلصوا
الاربع سنين وتكون اخدت دبلوم او ماستر ترجع المديرية اللي انت تابع ليها
اصلا




الا اذا




نزلتلك درجة مالية في التعليمي او التأمين الصحي
او المراكز الطبية المتخصصة واتعينت في المستشفيات دي وده بيحصل في حالة
وجود كوسة قوية جدا جدا او لو كان حظك كويس اوي




انا استلمت النيابة بتاعتي وبعدها روحت الجيش هل يعتبر الفترة اللي هاقضيها في الجيش محسوبة من فترة النيابة بتاعتي ؟؟؟




أيوه محسوبة وتقدر تسجل وانت في الجيش وتقدر تمتحن كمان




طيب لو جاتلي نيابة ومالحقتش استلمها وروحت الجيش ؟؟




اولا النيابة هاتروح عليك بعد ست شهور




ثانيا لا تحسب فترة الجيش دي من فترة النيابة لانك علي قوة التكليف مش النيابة لانك ما استلمتش النيابة




طيب أقدر اغير مكان النيابة بتاعتي يعني انقل من محافظة للتانية ؟؟




ممكن في بداية النيابة بالكوسة اما قانونيا بعد
مضي سنتين عمل فعلي في النيابة الي في المحافظة اللي رشحت فيها في البداية
بشرط موافقة الجهتين




طيب لو مر عليا خمس سنين وما قدمتش علي نيابة أقدر أقدم بعدها علي نيابة ؟؟؟




لا ليس لك الحق في التقديم علي نيابة بعد مرور خمس سنين في التكليف




بس




تقدر تقدم علي نيابة الريف




طيب ايه هيا نيابة الريف دي ؟؟




دي معناها انك تقدم علي نيابة وانت شغال في الريف
يعني تقعد طول عمرك تشتغل في القطاع الوقائي وماتشتغلشي في المستشفيات الا
اذا كنت عامل انتداب للمستشفي




والحركة بتاعة نيابات الريف دي بتنزل كل سنة غالبا في شهر أبريل




وبتاخد سنة تدريب في المستشفي وبتحضر خلال النيابة دي دبلوم أو ماستر




يعني من الاخر هاتبقي اخصائي بس شغلك هايكون في القطاع الوقائي اللي هو الريف اواي شغل وقائي الا اذا عملت انتداب




طيب ايه هيا الأماكن اللي أقدر أقدم نيابة فيها ؟؟؟






أولا : مديريات الصحة




ثانيا : هيئة التأمين الصحي




ثالثا : المستشفيات التعليمية




رابعا : المؤسسة العلاجية




خامسا :الأمانة العامة للصحة النفسية




سادسا :المراكز الطبية المتخصصة




سابعا : المراكز الإقليمية لبنوك الدم




ثامنا : التجميل والحروق




تاسعا : طب المسنين




عاشرا : الحجرالصحى




**********************************





@@@@@@@@@@منتديات طبيب القلوب@@@@@@@@@@








[ندعوك للتسجيل في المنتدى أو التعريف بنفسك لمعاينة هذه الصورة]



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the child
رئاسة المنتدي
رئاسة المنتدي


انثى
عدد الرسائل: 547
العمر: 29
الاوسمة:
نقاط: 2835
السٌّمعَة: 0
تاريخ التسجيل: 30/03/2008

مُساهمةموضوع: رد: كل ما يخص التكليف والنيابات ومشوار الطبيب المهني والعلمي   الأحد يونيو 14, 2009 9:30 pm


شرح أماكن النيابات مميزاتها وعيوبها




أولا




مديريات الصحة




المميزات








يعني أصحاب المجاميع العادية ممكن يلاقوا التخصص اللي
بيحبوا يتخصصوا في مديريات الصحة والمديريات هي المكان الأكثر قبولا
للنواب علي مستوي باقي هيئات وزارة الصحة وبيقبل أعداد كبيرة


1- القبول بيكون من مجموع قليل مش زي التعليمي ولا أي مكان تاني



2- فيه مديريات فيها مستشفيات كويسة وفيها تعليم كويس زي مثلا مستشفي
أم المصريين بالجيزة لكن فيه مديريات كتير فيها مفيهاش أي نوع من أنواع
التعليم خصوصا في بعض التخصصات



3- يعني ممكن تاخد راحتك في الشغل شويه خصوصا في الجراحات يعني تقدر
وانت من أول سنة نيابة تعمل عمليات كتير بايدك بس المهم تلاقي حد يعلمك
كويس




4- حافز الطبيب ال 300 % بيصرف لنواب مديريات الصحة ومش موجود في أماكن تانية زي المستشفيات التعليمي


وبيقولوا انهم هاينزلوها في التعليمي بس مش عارف نزلوها ولا لسه




5- لو اتشهرت في المستشفي اللي بتشتغل فيها ده هايساعدك لما تفتح عيادة في نفس المدينة او المنطقة اللي فيها السمشتفي




العيوب


1- بسهولة جدا ممكن تاخد النيابة من أولها لاخرها من غير ما تتعلم شئ يعني قصة التعليم في مديريات الصحة بصراحة مش مضمونة اطلاقا




2- ماديا مش حلوة أوي يعين فيه جهات بتدي فلوس أكتر منها زي هيئة التأمين الصحي بتاخد فيها حوافز زيادة خاصة بالتأمين




ثانيا


هيئة التأمين الصحي




المميزات


1- ممكن في بعض المستشفيات التابعة للتأمين مش كلها يكون فيه تعليم وبعض المستشفيات بيكون مشرف عليها اساتذة من الجامعة




2- ماديا الي حد ما كويس لانه فيها حوافز أكتر من مديريات الصحة




والفترة اللي جاية هايكون للتأمين الصحي مستقبل وفلوس كتير خصوصا بعد ما
يفصلوا الخدمة عن التمويل وذلك بانشاء صندوق خاص يتولي ادارة التأمين
الصحي لانه معايير الجودة بتتطبق دلوقتي في مستشفيات كتير من مستشفيات
التعليم


3- ساعات تتعمل فيها دروات تدريبية كويسة




4- بيقبل من مجموع متوسط يعني مش صعب انك تلاقي فهي نيابة حلوة يعني الحد الأدني بتاع التخصصات مش كبير


العيوب




1- ممكن ماتلاقيش تعليم كويس في مستشفيات كتير




2- ممكن ماتاخدشي راحتك في الشغل بايدك في الجراحات لانه مريض التأمين
بيكون متفق مع دكتور معين او مش بيسمح أوي انك تتعلم عليه لانه بيحس انه
بيتعالج علي حسابه لانه الدولة بتخصم منه فلوس شهرية رسوم التامين




3- مش عارف حافز الطبيب نزل لاطباء التامين ولا لأ






ثالثا




المستشفيات والمعاهد التعليمية




المزايا




1- دي أحسن جهة بعد الجامعة ممكن تلاقي فيها تعليم كويس وتطلع منها نايب
محترم علميا لانه اللي حواليك كلهم بيكونوا واخدين دكتوراة او زمالة
بريطانية وكمان اوقات كتير تلاقي اساتذة جامعة بيتشغلوا فيها ويمكن كمان
تلاقي في بعض الهيئات فيها تعليم أحسن من الجامعة




2- لو معاك واسطة أو بالنصيب ممكن ينزلك درجة مالية وتثبت عندهم وتحضر دكتوراه




العيوب


1- فيه مستشفيات فيها مش كويسة الي حد ما بس اغلبها كويس وأهم حاجة انك
تدخل الهيئة بعد كده الانتداب سهل مادام دخلت الهيئة التعليمية




2- المستشفيات والمعاهد التعيلمية بتقبل من مجموع عالي يعني فيه نيابات فيها بتاخد من مجموع زي نيابات الجامعة




3- حافز الطبيب مش بيدوه لاطباء التعليمي مش عارف نزلهم ولا لسه بس ماديا زيها زي مديريات الصحة




رابعا


المؤسسة العلاجية


أشهر مستشفي فيها هيا مستشفي هيليوبلس




المزايا


1- يعني ممكن تلاقي فيها تعليم لانه بشتغل فيها اساتذة جامعة وكمان استشاريين من الجيش




2- ماديا كويسة لانك بتاخد فيها بدلات كتير زي بدل طبيعة العمل و بدل
العدوي و نسبة من قيمة حصيلة رسم الخدمة شهريا و الحوافز المقررة مقابل
النوبتجيات




العيوب


1- في الجراحات ممكن ما تتعلمشي كويس لانه معظم الشغل فيها بفلوس والمريض بيدفع كتير فا مش هايسيبك تتعلم عليه




2- فيه مستشفايت فيها مش كويسة




3- عاوزة واسطة علشان تقدر تلتحق بمستشفي نضيفة من المستشفيات دي






سادسا


المراكز الطبيةالمتخصصة


اشهر مكان فيها معهد ناصر




المزايا


1- تعليم كويس أوي في معظم المستشفيات التابعة ليها وفيها استاف جامعة كتتتتتتتير واستشاريين كتير أقل واحد معاه دكتوراه




2- ممكن من خلالها تتعرف علي شخصيات ليها وضعها وممكن من خلالها تشتغل مع استاف بره




العيوب


1- ممكن برده ماتاخدشي راحتك اوي في شغل الجراحات




2- عاوزة واسطة في الغالب علشان تروح مكان نضيف






سابعا


الوقائي


بمعني انك تاخد نيابتك في الهيئات الاتية




1- الإدارة المركزية للشئون الوقائية ودي تحتوي علي الآتي :




** مكافحة الأمراض المعدية :


المميزات




· إمكانية التسجيل المبكر للدراسات العليا.




· الإشتراك فى الدورات التدريبية المتخصصة.




· الحصول على بدلات التفتيش الميدانى.




العيوب




انك هاتشتغل شغل ادري في هذه الهيئات وغالبا مش كل التخصصات هاتقدر تلتحق بيها




** الحجر الصحى :




المميزات




· إمكانية التسجيل المبكر للدراسات العليا (باطنة ،قلب،المناطق الحارة،عناية مركزة، صحة عامة)




· الإشتراك فى الدورات التدريبية المتخصصة.




· الحصول على 150%من أساسى المرتب كمكافأة شهرية من حصيلة التوكيلات الملاحية.




العيوب




انك برده هاتشتغل شغل ادري وكمان ممكن تتحدف في أي مطار او أي علي مستوي الجمهورية




2- الإدارة المركزية للمعامل مميزاتها :




-* التدريب على أحدث الأجهزة المعملية.




* إمكانية التسجيل المبكر للدراسات العليا






3- الإدارة المركزية لشئون البيئة.




4- الإدارة المركزية للأمراض المتوطنة




دي يمكن معظم الاماكن اللي ممكن تقدم فيها نيابة




****************************************





@@@@@@@@@@منتديات طبيب القلوب@@@@@@@@@@








[ندعوك للتسجيل في المنتدى أو التعريف بنفسك لمعاينة هذه الصورة]



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

كل ما يخص التكليف والنيابات ومشوار الطبيب المهني والعلمي

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب اطباء 25 يناير ::  :: -