صحصح من حب التيك اواى

اولا عايزاكوا تفتحوا عنيكم معايا اوى زى دى ماشى
وتفتحوا قلوبكم كمان
بصوا الحب ده احلى وارق واجمل احساس ف الدنيا كلها لكن ف حاجه مهمه ساعات كتير فينا اللى بيقع فيها ومش بيفكر فيها لان بيبقى كل همه انه يحب وخلاص يعنى بمعنى اوضح ع راى المثل اللى بيقولوه النا س بتوع زمان دول
زى عم شكشك اللى ف بوجى وطمطم بتاع زمان فاكرينه
بيقولوا ان مراية الحب عاميه يعنى ف حالات كتير مبنشفش عيوب اللى قدامنا بس المشكله مش كده وبس المشكله اننا ممكن نحب ونشغل عبد الحليم اهواك وفجاه نقلب ع عبد الحليم برده بس اغنية جبار ولا قسوة حبايب مغلبانى اوعى يا قلبى تحب تانى
تفتكروا ده ليييييييييييييييييييييييييييه؟؟؟؟؟؟؟؟؟؟؟؟؟؟؟؟؟؟؟؟؟؟؟
اقولكم انا الاسباب كتيييييييييييير جداااااااااااااااااااا عندكم مثلا الحب من طرف واحد ممكن يكون الحب من طرفين وكل حاجه بس هما حسين انهم مش هيكونوايمكن حد فيهم هيسافر ولا حاجه مثلا ممكن ميكونش ف توافق بينهم من الاول ممكن ميكنش حب ممكن يكون فراغ عاطفى
فبحب وخلاص ومش مهم النتيجه وفينا ناس عاطفين ورومانتك ممكن يتعلقوا بشخصيه كويس ويرجعوا يبعدوا عنها وميبقوش عايزنها ممكن يكون الاهل مش موافقين ممكن وممكن من هنا لبكره ع فكره مش معنى كلامى ده ان انا ضد الحب لا زى ما قولت ف الاول الحب مفيش احسن منه بس نصحصح زمانكم بتوقولو خلصينا بقى وقلولنا انتى أراااااااااااااااااااااااره كده ليه بصوا
اول حاجه فيها اننا لازم نكون مش ف حالة فراغ عاطفى مش معنا كده ان واحد يبقى مقطع السمكه وديلها ونغنيله كل البنات بتحبك كل البنات حلوين ولا واحده تكون زى ما بيقول تامر حسنى انتى اللى عملتى لكل شباب الدنيا قلق اومال قصدك ايه خلصينا طيب هقول بس متزعقوليش كده الفراغ العاطفى اللى انا اقصده اننا منكنش خارجين من حالة جرح من حب قديم من حالة وحدة لازم نبقى عارفين ده لن لو حبينا واحنا كده هنظلم نفسنا بان ده مش حب حقيقى لينا ونظلم الترف التانى عارفين ازاى بانه ينخدع بحب هو اصلا مش حب لازم تبقى متاكد وتبقى ناوى جامد انك فعلا بتحبها او بتحبيه حب حقيقى ولازم لو ولد تتجدعن ف دراستك عشان ده هيقصر الطريق متعدش تاخد السنه بسنتين وهى تقعد جمبك زى اللى بترقص ع السلالم فلو بتحبها فعلا تفتكر هترضى ليها بده ؟؟؟؟؟؟؟؟؟؟
ماشى معاك اتاكدت انك بتحبها وناوى تاخد خطوه ايجابيه تبقى بجد انسان تمام وساعتها حبها زى ما انت عايز بس انا عايزه كلامى للبنات برده متقعديش تفكرى ف واحد ممكن يسيبك ف يوم وانتى اللى تبقى لواحدك ولا عارفه تنسيه ولا عارفه تبقى معاه ولو اتخطبتى لغيره هتظلميه وتظلمى نفسك
اقول حاجه الفت نظركم ليها بالله علكم بلااااااااااش نعلق بعض بحبال دايبه لانها ممكن توقع اى حد فينا وبلاش نعشم حد بالحلق ونجبله غويشه وساعتها يبقى
وليه هنستعجل الحب جى جى نهدى موتور قلوبنا ومنفرملش فجاه عايزين نهديه واحد هيقولى انا بحبها جدااااااااااا بس انا لسه ف دراسه ومش عارف ازااااااااااااى اتقدم وانا ف السن ده اقوله انت بس كل اللى محتاجه تقعد مع نفسك اقعده صح لحد لما تعرف انك فعلا بتحبها وفعلا عايز ترتبط بيها اوك خط الخطوه الايجابيه مش عايز سبها هتضايق منك شويه هتزعل بس مش هيبقى زى ما تخدعها فتره طويله ع راى فضل شاكر الجرح بيبقى سهل ف اوله وبقول لكل بنوته وكل شاب لازم نفرق بين الحب والحب تيك اواى ولسه الموضوع مخلصش ولسه هنكمل لانه طويل وانا معاكم اللى عنده مشكله يبعتلى

مع حبى الدائم لكم اشوفكم ع خير وسلامه

انا بصراحة مش ضد ان الانسان

اذا حب انسانة بجد انة يطلها ولو

لمجرد خطوبة واية المشكلة ان قعدت الخطوبة 3 سنين او 4

اذا كانوا بيحبوا بعض بجد لان انا في رايي حتي لو

داسوا علي قلبهم وسابوا بعض هيفضلوا

طول العمر يفكروا في بعض حتي بعد ميتجوزوا ويخلفوا

ومهما كانوا مبسوطين لانهم هيفضل تفكيرهم انهم لو كانوا لبعض

كان ممكن يكونوا اسعد

تحياتي

_________________

مقالة:

ماشى معاك اتاكدت انك بتحبها وناوى تاخد خطوه ايجابيه تبقى بجد انسان تمام وساعتها حبها زى ما انت عايز بس انا عايزه كلامى للبنات برده متقعديش تفكرى ف واحد ممكن يسيبك ف يوم وانتى اللى تبقى لواحدك ولا عارفه تنسيه ولا عارفه تبقى معاه ولو اتخطبتى لغيره هتظلميه وتظلمى نفسك
اقول حاجه الفت نظركم ليها بالله علكم بلااااااااااش نعلق بعض بحبال دايبه لانها ممكن توقع اى حد فينا وبلاش نعشم حد بالحلق ونجبله غويشه وساعتها يبقى

وليه هنستعجل الحب جى جى نهدى موتور قلوبنا ومنفرملش فجاه عايزين نهديه واحد هيقولى انا بحبها جدااااااااااا بس انا لسه ف دراسه ومش عارف ازااااااااااااى اتقدم وانا ف السن ده اقوله انت بس كل اللى محتاجه تقعد مع نفسك اقعده صح لحد لما تعرف انك فعلا بتحبها وفعلا عايز ترتبط بيها اوك خط الخطوه الايجابيه مش عايز سبها هتضايق منك شويه هتزعل بس مش هيبقى زى ما تخدعها فتره طويله

بجد موضوع هايل

وفعلا دى قمه الوضوح والصراحه والواقع اللى احنا عايشينه

تحياتى ياقمر

_________________

( اللهم إنك عفوٌ كريمُُ تحب العفو فأعفو عنى)

انا ظبط تنسيق التوبك شوية

لانة موضوع جميل ويستحق ان يقرأ كاملا

_________________

الحمد لله يا طبيب انكم فهمتوا كلامى وانا اكيد مع موضوع الخطوبه ده

شكرا يا سوزى ع كلامك الجميل وياريت ابقى عند حسن ظنكم

والله ادمين انا بحاول ابقى انزل صور ف الموضوع واظبط الكلام مش عارفه مش بيتظبط ليه والحمد لله ان الموضوع عجبكم

فلتعلمي يا محبوبتي
ان الحب ذاته انتصارا وان الفوز بمن نحب هو السقزط في عالم الانتصارات
"كل بطولات الفضيلة .. و كل انتصارات الحكمة لا تساوي شيئاً أمام عظمة السقوط في لحظة ضعف أمام من نحب.. السقوط عشقا هو أكثر انتصاراتنا ثباتاً"
اي انه اكثر انتصاراتنا رجحانا رغم كل الاحاجي
فاننا لم نستعجله يوما ولكننا نسقط فيه كل يوما
تحياااااااااااااااااااااااااتي
_________________
[center]

توبك جميل

فى انتظار المزيد
_________________

بجد يا هبه كلامك يستاهل انو يتقرا كويس عشان نتعلم بجد
اتمنى اشوف موضوعاتك دايمايا عسووووووووووووووووله :,/.;XC: