للبنات اللى على وشك خطوبه



آنستي العزيزة.. لو ربنا فك عقدتك.. واتخطبتي.. فإليكِ نصائحي حتى تأخذي بخطيبك من مركب الخطوبة إلِّي محدش عارف
هاترسى على إيه.. إلى مثوااااه الأخير في قفص النسانيس

قصدي قفص الزوجية السعيد ..


أجمل ما في الخطوبة العزومات الرومانسية.. على أحلى محلات أكل في
البلد
.. واللي عمرك مانتي شايفاها بعد الجواز..
المهم نصائحي لك عند أي عزومة مع خطيبك.. قلنا رقَّه

1 -
[b]الأول لازم تعرفي إن الشوكة والسكينة بيتمسكوا من إيديهم
من الطرف يعني مش من الوسط ولا من البوز زي الخنجر ولا من فوق
طبعًااا

2 -
العيش أوعي تفضحينا وتقطعيه بسنانك .. ولا الرغيف نصين
بإيدك وكل نص لقمة .. أوعي.. العيش بيتقطع
بالسكينة في الطبق.. وبعدين تاخدي لقمة.. لقمة .. بالعافية
.. قال يعني نفسك مسدودة.. اضغطي على أعصابك جدااا
وبعدين لما تروَّحي.. إبقي اديها زي ماانتِ
عايزة

3 -
الشوووربة.. أبوس كعب رجلك.. بند الشوربة ده مهم جدًاااا
الشوربة تتشِرب من غير صوت خالص .. ومن غير ماتقعدي
تنفخي فيها.. زي القهوجي اللي بينفخ في الحجر للزبون..
وطبعًاااااا عايزِك تنسي تمامًا.. السلطانية
اللي بتقيميها على بقك في البيت وتدلدقي على روحك
..بالمعلقة وبدون صوت.. سخنة, ولعة , برضه بدون صوت
وتسيبي تلت الطبق ع الأقل.. مش تميّليه.. عشان تلهطيها لآخر نقطة


4 -

الرز طبعاً .. بيتّاكل بالشوكة.. أوعي إيدك تتمد على المعلقة
وتغرفي من طبق الرز وتعبّي.. إوعي.. الرز بالشوكة.. وكإنك بتبوسيه مش
بتاكليه
5 -

المكرونة.. الاسباجتي.. برضه بالشوكة.. تتلف على طرف الشوكة
.. لحد ما تخلص وبعدين تحطيها ف بؤك من سكات.. مش تشفطي المكرونة عود
عود

6 -

السمك.. مشكلة.. شوفي.. بتفصلي اللحم عن الشوك إزاي..؟؟
تقطعي اللحم من النص.. بالطول وبعدين تفردي اللحم على الجانبين
ولما تخلصي
ناحية.. متقلبيش السمكة..
شيلي السلسلة بالشوكة والسكينة وحطيها في جنب الطبق
وكملي أكل النص التاني.. وبدل الفيلم الهندي ده..
نصيحة ماتكليش السمك خالص .. قولي مابحبش السمك وخلصي نفسك

>>>7 -

الجمبري.. -إذا كنتي عارفاه- أول ماطبق الجمبري ينزل..
بصيله بقرف واحتقار شديدين.. آل يعني زهقانة من كتر أكل الجمبري
الجامبو ف بيت بابّااااا.. واتنهّدي جامد وقولي.. برضه..؟؟؟
وتروحي قاطعة راس الجمبريّاية.. بالشوكة.. أنا ف عرضك إنسي المصمصة دلوقتي
8 -

البطاطس سواء مسلوقة أو محمرة.. أوعي تهرسيها وتدبيها
على الرز وتدّي .....لا..لآ...لآ. ..بالشوكة حتة حتة
وإنت زي ما تكوني هاتعيطي من كتر ما البطاطس صعبانة عليكي


9 -

الفاكهة.. لو الفاكهة فيها بذر.. طلعيه من بؤك بالراحة وحطيه
في إيدك وهي مقفولة وبعدين في طفاية السجاير اللي ع الترابيزة
أوعي ياحبيبتي من نظام التفتفة للبذر..
إنسي
10 -

ولما تخلّصي أكل تحطي إيدك على بطنك.. -اللي عصافيرها
بتصوصو من العينات اللي كلتيها-.. وتقولي له مش ممكن..
أنا عمري ما اتفجعت كدة.. أنا قدامي أسبوع.. هابطّل أكل فيه
وبعدين تمسكي الفوطة اللي دايمًا موجودة على التربيزة من غير لزمة
.. وتبوسيها.. آل يعني بتمسحي بؤّك
وبعدين تستأذني منه لإصلاح ماكياجك.. وتخشي التواليت
وتطلعي من شنطة إيديك.. لفة الفول والطعمية اللي جايباها معاكي.
[/b]وبالهنا والشفاااااااااا

( اللهم إنك عفوٌ كريمُُ تحب العفو فأعفو عنى)

شكل كده والله اعلم محدش على وشك خطوبه

فييييييييييين الردود

( اللهم إنك عفوٌ كريمُُ تحب العفو فأعفو عنى)

اولا: الف مبرووك وربنا يتمم بخير
وطبعا احنا معزومين على الفرح
ثانيا :التوبيك دا للبنات اللى على وش خطوبه



البنااااااااااااااااااااااااااااااااااااااات

( اللهم إنك عفوٌ كريمُُ تحب العفو فأعفو عنى)

( اللهم إنك عفوٌ كريمُُ تحب العفو فأعفو عنى)

لا انا ماقدرش احرجك ابدا


اصل معظم البنات بتعمل الحركات دى

انا حبيت انتقدهم

( اللهم إنك عفوٌ كريمُُ تحب العفو فأعفو عنى)