ريبورتاج

"قصة واقعية"




ابطال القصة
الوحدة 16 متنقلة ، قناة art
مخرج : محمد الشاذلى "بتاع شيز للاعلان"
مذيع 1 : دكتور وليد داود "اونكل"
مذيع 2: عمرو خليفة "مورى"
كاميرا مان: عبد الاله
انتاج: والنبى مانا فاكر اسمه
منتج منفذ: انا
دكتور مصطفى حسنى "بتاع تجارة" قام بدور جامد برده

المكان: فى شوارع طنطا

الزمان: امبارح بعد الماتش على طول

:lol:





بداية القصة

:tongue:

بعد ماشوفنا الماتش انا واونكل عند مورى ، نزلنا نهيس شوية وبعد قليل من الاحداث عديمة القيمة اتقابلنا عند الشاذلى
دخلت عليه لقيتة عامل اللوجو بتاع ال art وكاتب تحته "قناة وتليفزيون العرب"
عارف انها غلط وهى دى بداية المسخرة
انا: ايه ده ؟
الشاذلى: احنا هنعمل ريبورتاج دلوقتى
انا: من غير اضاءة ولا اى بتاع
الشاذلى: انا هعيش الشعب
انا عينى لمعت على طول، من زمان انا معيشتش اشتغالات

B)

خرجنا فى عربيتين ، بى ام بيضا وفيات خضرا "للى شافنا يعنى"


بداية الرحلة

^_^

روحنا عند جاد اللى فى سعيد كده، معانا مايك من بتاع السايبرات الرفيع ده "مسخرة والله" ، كاميرا مقفولة ومن غير شريط ولا اى حاجة، لاب توب مفتوح فيه الوينامب "والنبى مسخرة" ، المخرج لابس هيدفون

<_<

اونكل نزل بقى ع الناس وعمل شوية حوارات كده
الناس بقى، اللى عمال يرقص واللى جايب عياله والمدام وعاوز يطلع فى ال art واللى عمال يقول ، ال art جت يا جدعان، هو عصام الشوال معاهم ولا ايه؟ عصام اهو يلا، اجرى يلا
وعلت الهتافات من "مصر مصر مصر" و "ابو ترييييكة" وهكذا
شوية ناس بقى، انا فى اعلام وعاوز آخد فرصتى يا استاذ ، انا بعرف اغنى يا استاذ، وانا برقص يا استاذ
المخرج اهو يا حبيبى

-_-

المخرج بقى عايش الدور صح، الشوت هايتعاد ، يا عبد اللا انت حمار، الناس تيجى يمين يا جماعة، الكادر كده مش نافع، الصوت مش واصل يا جماعة ، كده ماينفعش

:angry:

ايه ده يا جدعان؟ فين الجنس اللطيف؟
لازم نطلع البحر

:wub:

طلعنا البحر وسدينا الشارع عند الجامعة كده عشان نوقف عائلات
الشباب الرزل برضه يتلم ومنظر مش ممكن

:blink:

ال art ياجدعان
من الجدير بالذكر ان فى واحد كده فضل يضرب لحد ماعملناله حوار
المشجع : احنا اللى بنينا الهرم الرابع !!! هييييه هيييه
الناس بتقلد اللى بتشوفه فى التليفزيون بالظبط، ماشاء الله حافظين تمام

<_<

واحد عسكرى بيقولى: انتو جهه حكومية يا بيه
انا: احنا تليفزيون يا فندم
العسكرى: ايوة تبع ايه يعنى
انا: قناة art
العسكرى: اى اى ايه؟
انا: تبع المحافظ
العسكرى للناس اللى معدية: يلا يا جماعة لو سمحتو، يا جماعة من هناك لو سمحتوا، وسعوا للبهوات
"مسخرة علنى جدا"

:D


جه واحد براشوت كده
انا المدام بتاعتى عند الاستاد، ممكن يا باشا نعمل لقاء هناك

:wacko:


طلعنا ع الاستاد
شوفنا شوية بنات واقفين على جمب قولنا نعمل بقى جوار مع الجنس الناعم مش هاينفع كده

^_^

لسه طالعين
علامة ال art بانت
الناس هجمت
البنات رجعت ورا
وعينك ماتشوف الا النور

:blink:

بس عملنا حوارات برضه
الراجل بتاع الهرم الرابع جه: انا عاوز اكمل الحوار يا بيه ، يا بييييييه ، يا بييييييه

:angry:






المحطة اللى جاية بقى عند مديرية الامن
ليه؟
عشان نبقى فى حماية الحكومة

:lol:

روحنا على رئيس المرور ، بس مرضاش يصور الصراحة وكان راجل لذيذ جدا
الناس طبعا جمب الحكومة مش بتتلم بغباء زى هناك

B)


عائلة جاية بترقص والكاميرا مان بيرقص
المخرج : يا عبد اللا انت حمار، الشوت باظ يخرب بيتك

:angry:

واحده معيدة فى تربية جاية مانجشة فى السيد الوالد
عملنا حوار برضة وكانت طايرة من الفرحة خالص
اونكل: الكاميرا مش مشحونة يا جماعة ممكن ناخد الشوت بالموبايل ، والناس عادى جدا "مسخرة مسخرة يعنى"

<_<

المزيد من توقيف سيارات العائلات فى شارع البحر، والحكومة وقفتلنا الطريق "مسخرة "

دخلنا بعد كده النادى عشان نهرب من الجمهور
وطبعا لازم حوار مع الراجل بتاع الامن هناك "تحفة"

<_<





دخلنا بقى النادى، كان فاضى وكان فيه ناس كده عاملين قعدة، اللى مستشار واللى رئيس محكمة مش عارف ايه، واللى لواء، وواحد صحفى رياضى، وكان معاهم موجه انجليزى

:rolleyes:


عملنا علم مصر ع الترابيزة
ده بقى كان لقاء لقا يعنى
المخرج يشرح للكاميرا مان ازاى هياخد الشوت
اونكل بدأ: احنا يا جماعة النهارده، فى يوم النصر ، فى يوم الفرحة "مذيع مذيع"
ومورى كان مذيع برضه بس كان شكلة مسخرة خالص
والناس بقى بتتعامل فى برنامج فعلا
وكلام بالظبط زى اللى بتشوفوا فى التليفزيون
طبعا كل موبايلاتنا خلصت ، اتضريت اصورة بالوحش بتاعى، طبعا الصور والصورة زى الزفت خالص

:lol:


بس تخيل انت بقى



طبعا اتفشخنا ارهاق روحنا اتعشينا بيتزا ولمينا الماتيريال وقعدنا نسترجع ال"مسخرة"




خلاصة الموضوع

الله يكون فى عون المخرجين والله

المشاهير لهم حق فعلا يمشوا ببودى جاردز

:lol:


لتحميل الماتيريال اللى قدرت اصوره

فعفص هنا

لو مش عارف تشغل الفيديوهات نزل Nokia PC Suite من هنا


:lol:



كل فوز وانتوا طيبين




نرجو من سيادة المشرفة تثبيت الموضوع شوية كده

:lol: